Varsel om igangsetting av reguleringsplanarbeid på E134 mellom Seljord og Åmot

I samsvar med §§ 3-7 og 12-8 i plan- og bygningslova gjer vi med dette kjend at Statens vegvesen startar opp reguleringsplanarbeid på E134 mellom Seljord og Åmot.

Planarbeidet og planprosessen vil bli gjennomført etter forskriftene i ny plandel av plan- og bygningslova.

Vegstrekninga, som er ein del av stamvegrute 5a, går gjennom kommunane Seljord, Kviteseid, Tokke og Vinje. Det skal utarbeidast forslag til 5 reguleringsplanar på følgjande delstrekningar:

Reg.plan 1: Frå kryss til Nordbygdi og til ca. 500 m før kryss til Ordal (Seljord og Kviteseid)

Reg.plan 2: Frå kryss til Kviteseid og fram til Hemmestveit (Kviteseid)

Reg.plan 3: Frå nederst i Libergbakkane og fram til Mostøyl (Kviteseid og Tokke)

Reg.plan 4: Frå Mostøyl til avkøyringa til vegkro/Shell aust for Høydalsmo (Tokke)

Reg.plan 5: Frå Raudå bru og fram til Åmot sentrum (Tokke og Vinje).

Planområda er vist på vedlagde kartskisser over og her..

Hovudmålet med prosjekta er å utbetre eksisterande veg for å betre trafikksikkerhet og trafikkavvikling. Dette medfører mellom anna ei utviding av vegen til 8,5 meters breidd.

Planarbeidet er vurdert i høve til forskrift om konsekvensutgreiingar. Vurderinga som er gjort, er at tiltaka ikkje fell inn under kriteria i § 4 i forskrifta som utløyser krav om handsaming etter KU-regelverket.

Det vil bli arrangert informasjonsmøter i løpet av hausten. Dato for møta blir annonsert etter kvart.

Undervegs i planarbeidet vil det bli utført oppmålingsarbeider og grunnundersøkingar. Oppmålingsarbeida er hjemla i ”Lov om anbringelse av signaler og merker for målearbeider” av juli 1923.

Sist oppdatert 07.09.2009