Søknad om deling

Matrikkellova vart gjort gjeldande frå 01.01.2010. Det er nye skjema for rekvisisjon av oppmålingsforretning. Ved søknad om deling av grunneigedom kan disse  skjema nyttast.                                                                                                                                                                                                                                                    

Søknad om løyve til tiltak.                                                                                                                                                                                                                                   Opplysningar om ytre rammer.                                                                                                                                                                                                                               Rekvisisjon av oppmålingsforretning.

Søknad om deling/ justering av grunneigedom.

For at ei sak skal gå så raskt og smidig som råd er det viktig at alle aktuelle postar er fylt ut på skjemaet. Som vedlegg skal det leggjast med situasjonskart som viser ca. tomteareal og kva eigedommar som vert omfatta av delinga. Det må vera lagt med gjenpart av nabovarsel som viser at alle aktuelle partar er varsla i saka. Det er grunneigar av gjevareigedommen som skal skrive under.

Kor skal ein levere søknaden.
Søknad om deling skal leverast på Teknisk avdeling sitt kontor. Saka vil her verta registrert og overlevert til saksbehandlar. Adresse for levering er Tokke kommune, Teknisk etat, 3880 Dalen. 

Handsaming av søknaden.
Søknaden vert gått gjennom og ved eventuelle manglar eller feil vil denne verte returnert til søkjaren. Før ein tar saka opp til behandling må ein innhente fråsegner/vedtak frå andre offentlege myndighetar der dette er nødvendig, det kan t.d vere løyve om avkjøring frå veg der Statens vegvesen må kontaktast. I einskilde tilfelle vil saka også verta sendt til Fylkesmannen før ein tek den opp til behandling.

Ein viktig del av saksbehandlinga etter plan- og bygningslova vil vere å sjekke planstatus. Er delingsforslaget i strid med planstatusen må det søkjast om dispensasjon jf pbl. kap. 19. Andre viktige moment vil vere korleis ein har tenkt å løyse tilkomst for den fråskilde parsellen, er det tenkt ny bilveg fram, bruk av eksisterande veg, gangveg, parkering osv. Korleis ein har tenkt å løyse vassforsyning og avløp må også kome klart fram. Er det vidare slik at delinga omfattar landbrukseigedommar/areal må saka også behandlast etter jordlova.

Ei samla vurdering av sakas realitetar vil føre fram til utfallet av saka. Det vil også vere ei vurderingssak om saka skal leggjast fram for politisk behandling i planutvalet eller om ein kan ta saka innafor delegasjonsreglementet.

Ved eventuelle dispensasjonssaker der sakshandsaminga krev grunngjeving jf. pbl. kap.19. Pass på at postane i søknadskjema er fyllt ut og alle vedlegg er med.  Etter at søknaden er godkjend og gebyr er betalt, vert saka handsama etter matrikkellovas reglar. 

Avslag på delingssøknad er eit enkeltvedtak som kan påklagast etter Forvaltningslovas § 28.

Sist oppdatert 25.02.2011