Tokke kulturskule

Tokke kommune eig og driv Tokke kulturskule. Utgifter til drift av kulturskulen dekkast av kommunale og statlege tilskot og skulepengar frå elevane. Administrativt ligg kulturskulen under Kultur og oppvekst.

Undervisning
Lærarar i Tokke kulturskule underviser i fylgjande disipliner:

Piano Keyboard Hardingfele Stryke Fløyte Klarinett Saksofon Kornett/trompet Baryton/trombone/tuba Gitar/bass gitar Band/ensemble Slagverk Song  Visuell kunst  Drama/teater Dans

Lærarane i kulturskulen skal ha høgare utdanning eller tilsvarande innan sitt felt, og dei fleste er aktive kunstnarar i tillegg til undervisninga. Det meste av undervisninga går føre seg på skulane, primært på ettermiddagen.
Undervisninga i kulturskulen fylgjer skuleruta for grunnskulen.
Undervisningsforma i instrumentalundervisninga er gruppeundervisning eller einetime. Storleiken på gruppa avheng av type instrument, alder og nivå.
Kulturskulen samarbeider med grunnskulane i Tokke, og har ansvaret for instrumentopplæringa og dirigent tenestar i Tokke skulemusikk og Høydalsmo/Lårdal Skulekorps. I tillegg til ordinær undervisning, arrangerar kulturskulen eigne konsertar.

Instrumenter og læremidlar
Kulturskulen samarbeider med lag og foreiningar om leige/lån av instrumenter.
Lærarane i kulturskolen vil hjelpe til med råd og vegleiing når det gjeld innkjøp av instrumenter og noter.

Elevbetaling
Elevbetalinga er f.t. kr. 815,-/einetime/semester eller kr. 416,-/gruppetime/semester. Sysken/familiemoderasjon er 25%. Vaksne betalar 25% i tillegg til vanleg timepris. Tokke kommunestyre fastset prisane i kulturskulen, og endringar skjer som regel pr. 1.januar.

Opptak, inn- og utmelding
Alle kan søke om opptak i Tokke kulturskule. Dersom du ynskjer å spele eit korpsinstrument eller hardingfele, blir du automatisk medlem av eit skulekorps eller Sullarguten spellemannslag.
Søknadskjema får du ved å vende deg til rektor ved kulturskulen eller i resepsjonen på kommunehuset. 
Det er ingen søknadsfrist. 
Elevar som har byrja i kulturskulen er registrerte ved skulen inntil dei kjem med skriftleg oppseiing.Slik oppseiing sendast skulen innan 1. juli / 1. des..

Opptaksreglar
Dersom søkaren får plass i kulturskulen, er denne bindande for heile semesteret.(Nye elevar får 6 veker prøvetid og betalar ikkje om dei sluttar innom dei 6 vekene)
Dersom det ikkje er plass, blir søkaren satt på venteliste. Søkarane vert prioritert etter ansiennitet. Ved lik ansiennitet kan opptaket avgjerast ved loddtrekking. Unnatak kan gjerast ved særlege pedagogiske og organisatoriske tilhøve.
Opptak av korps /hardingfele elevar gjerast i samråd med dei respektive laga.
Påmeldinga er bindande og gjeld for skuleåret (både haust-og vårsemester). (Ynskjer eleven å slutte til jol, må det gjevast skriftleg melding før 1.desember!) Eleven er å sjå på som elev ved kulturskulen heilt til det kjem ei skriftleg utmelding. Fristen for utmelding er 1.juli. Desse fristane er viktig å halde for at andre skal få den ledige plassen!

Påbyrja semester vert fakturert på vanleg måte. Føresette er ansvarleg for at semesteravgiftene betalast. Det vil elles medføre stopp i undervisninga.

Post- og besøksadresse Tokke kulturskule Tlf: 35 07 52 29 / mob 99 01 70 10 / fax 35 07 71 33 Kommunehuset, 3880 DALEN E-post: stan.blackburn@tokke.kommune.no

Sist oppdatert 25.08.2008