Hopp til hovudinnhald Hopp til søk Hopp til botntekst
  • Film og video - konsesjon for framvising

  • Frisør-, hudpleie-, tatoverings- og hòltakingsverksemd - godkjenning/melding

  • Fyrverkeri - handel og oppbevaring

  • Kunnskapsprøven - alkohollova

  • Salsløyve for alkohol

  • Serveringsløyve

  • Skjenkeløyve alkohol

  • Skjenkjeløyve - ambulerande / for eit enkelt høve

    Generelt

    Ønskjer du å servere alkoholhaldig drikk i samband med slutta selskap eller ved eit bestemt høve, må du søkje kommunen om skjenkjeløyve.

    Ønskjer du å servere alkoholhaldig drikk i samband med slutta selskap eller ved ei særskild hending, må du søkje kommunen om skjenkjeløyve.

    Løyve treng du normalt ikkje ved reint private arrangement som bryllaup, fødselsdagsselskap eller andre jubileum så lenge det ikkje blir tatt betalt for drikke. Men all servering av alkohol mot vederlag krev at du har løyve.

    For visse typar lokale, stader og samanhengar blir det som hovudregel kravd løyve for servering av alkohol, sjølv om det skjer utan vederlag. På slike stader er det òg forbode å drikke alkohol, med mindre det skjer i samsvar med eit innvilga skjenkjeløyve, jf. § 8-9.

    • Ambulerande skjenkjeløyve er ikkje knytt til ein bestemt person eller skjenkjestad og gjeld berre skjenking i slutta selskap. Slikt løyve blir ofte gjeve til selskapslokale.
    • Løyve for eit enkelt, bestemt høve gjeld berre til bestemte hendingar/arrangement som for eksempel festivalar og dansetilstellingar. Slikt løyve kan gjevast anten som alminneleg løyve eller løyve til slutta selskap.

    Løyvet kan gjelde

    • alkoholhaldig drikk (over 2,5 volumprosent alkohol) med høgst 4,7 volumprosent alkohol
    • alkoholhaldig drikk med lågare alkoholinnhald enn 22 volumprosent 
    • all alkoholhaldig drikk

    Vilkår

    All servering av alkoholhaldig drikk mot ein eller annen form for betaling krev løyve. Ansvarleg skjenkjestyrar må vere fylt 20 år (det blir kravd legitimasjon). Det er ikkje krav om bestått kunnskapsprøve.

    Kontaktpersonar

    NavnTittelTelefonMobilTelefaksE-post
    Olav Bjørn BakkenSeniorrådgjevar35 07 52 1935 07 71 33Send Epost

    Kontaktavdeling

    Teknisk etat

    LederGunhild Austjord
    PostadresseStorvegen 60 3880 DALEN
    BesøksadresseStorvegen 60 3880 DALEN

    Lovar og retningsliner

    Sjå alkoholloven § 1-6 andre avsnittet, § 4-5 og § 8-9

    Søknadsprosessen

    Rettleiing

    Du må sende skriftleg søknad til løyvemyndigheita god tid før arrangementet skal vere. Søknaden skal innehalde opplysningar om kva slags arrangement det er snakk om, kven som er arrangør, kor og når arrangementet skal vere, kor mange deltakarar og kven som er ansvarleg skjenkjestyrar. Ansvarshavande må gjere seg kjend med føresegnene i alkohollova og med lokale retningsliner.

    Vedlegg

    Legitimasjon

    Handsaming

    Søkjer du om skjenkjeløyve for eit enkelt, bestemt høve, blir det innhenta fråsegn frå politiet og sosialtenesta. Du får skriftleg melding om vedtaket. Til vanleg får du ei grunngjeving samstundes med vedtaket. Du får alltid ei grunngjeving dersom ein tenkjer seg at du blir misnøgd med vedtaket. Dersom grunngjevinga ikkje følgjer med, kan du få ho ved å vende deg til kommunen innan klagefristen for vedtaket går ut.

    Handsamingstid

    Behandlingstida er til vanleg éi veke.

    Høve til å klage

    Dersom du er misnøgd med vedtaket, kan du klage til kommunen innan ein frist på tre veker frå du tok imot det. Forklar kva du er misnøgd med og kvifor du meiner at vedtaket bør endrast. Dersom du treng rettleiing, kan du vende deg til kommunen. Dersom kommunen lèt vedtaket stå, blir saka send vidare til Fylkesmannen, som avgjer om klagen skal bli teken til følgje.

  • Dalen Hotel
  • Vest-Telemark museum

tokke.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke tokke.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk