Utlysing av masterstipend

Bilde av badstoga Soria Moria

Tokke kommune har vedteke å dele ut inntil tre masterstipend i året på kr 30 000 pr stipend. 50% av stipendet blir utbetalt då studenten tek til med oppgåva og det resterande blir utbetalt då masteroppgåva er godkjent.

Målet med stipendet er å støtte og motivere lokale studentar, auke utdanningsnivået i kommunen og betre rekrutteringa i kommunen og verksemder lokalisert i Tokke.

Søknadane vil bli vurderte av kommunedirektør, kommunalsjef oppvekst, andre kommunalsjefar med relevans for problemstillinga og privat næringsverksemd i Tokke kommune (om studenten vel ei problemstilling knytt til verksemder i Tokke).

 

Krav til søkjar

1. Studenten må vera folkeregistrert i Tokke

2. Masteroppgåva skal ha relevans for Tokke kommune eller ei av kommunens verksemder

3. Masteroppgåva skal hente inn datagrunnlag i Tokke kommune eller i ei av kommunens verksemder

4. Masteroppgåva må bli presentert for kommunestyret og det må bli utarbeidd ein kortversjon av oppgåva

 

Søknaden må innehalde

Godkjent problemstilling, framdriftsplan, datainnsamling, kvifor du meiner problemstillinga er relevant for Tokke kommune og/eller verksemder i kommunen.

 

Søknadsfrist:

31. januar 2025.

 

Søknaden sendast til: postmottak@tokke.kommune.no

 

 

Sist oppdatert

Fann du det du leita etter?