Informasjon om kommunal akutt døgnenhet-plass (KAD) i Tokke

Alle kommunar er pålagt å ha KAD-plass. Sidan dei vart oppretta har Tokke samarbeidd med Vinje om dette tilbodet, og plassane har vore lokalisert på Vinje sjukeheim. Frå 5. januar 2026 skal Tokke sin KAD-plass vere på Tokke helsesenter.

Innlegging på KAD skal vera eit like godt eller betre alternativ til innlegging på sjukehus. Før innlegging må pasienten vere tilsett av lege – enten fastlege eller legevaktslege. Pasienten sin tilstand skal vera avklart og det skal fylgje med ein tydeleg behandlingsplan frå innleggande lege. Opphaldet på KAD kan vare i inntil 5 døgn.

Aktuelle problemstillingar for KAD kan vera:

• Pasientar som har forverring av kronisk sjukdom, som til dømes KOLS og hjartesvikt

• Pasientar som får tilbakefall eller forverring av kjent psykisk liding

• Behandling av pasientar som har ukompliserte akutte tilstandar med kjend årsak, som til dømes urinvegsinfeksjon, luftvegsinfeksjon, kvalme, oppkast, dehydrering, ernæringssvikt, obstipasjon, smertebehandling og sårbehandling