Hans Majestet Kong Harald V (1937 -2026) har gått bort i dag 28. august, 89 år gamal

Det er med djup sorg Tokke kommune mottok bodskapen om at Hans Majestet Kong Harald V har gått bort.

Kong Harald V har vore ein samlande konge. Han har vore her for alle.
Han har vore folket sin Konge.

Hans motto var: Alt for Noreg.

Takk for alt du gav oss på vegen.

Kongen er død. Leve Kongen.
Kong Haakon er no vår nye Konge.

Vi lyser fred over minnet etter Kong Harald V.

Jarand Felland
ordførar

Litt praktisk informasjon:

Det vil bli flagga på halv stang på alle kommunale flaggstenger fram til gravferda til Kongen. Når gravferda har funne stad, skal flagga heisast på heil stang.

Det er tilrådd at ingen skular eller barnehagar stenger, men barna vil bli samla for å snakke om bortgangen til Kongen.

Det er lagt ut kondolanseprotokoll på Tokke kommunehus. Opningstidene er mellom kl 08.00 - 15.00 alle vekedagar.

Det Norske Kongehus har også ein elektronisk kondolanseprotokoll. Kondolanseprotokollen finn du her. Lenke til et annet nettsted.

Har du lyst å kome med ein blom, flagg, ljos eller ha ei stille stund, kan det gjerast på torget på Dalen. Det er lagt ut blomar, ljos og helsingar til Kongen ved skiltet, som er laga av den gode gjengen på Åheim. Det heng også eit bilete av Kong Harald på skiltet

 Lenker

Regjeringen.no Lenke til et annet nettsted.
Kongehuset.no Lenke til et annet nettsted.