Konsesjon og buplikt - landbrukseigedom

• Hovudregelen er at du kan ta over ein eigedom som ikkje er større enn 100 dekar og ikkje meir enn 35 dekar (frå 1. sept. 2017. Tidlegare 25 dekar) dyrka jord utan å søkje om konsesjon.
• Ei tomt som er lagd ut til bustad- eller fritidsformål er også som regel friteken frå konsesjonsplikt. Dei fleste typar leilegheiter er også konsesjonsfrie.
• Ubebygd areal som ikkje skal brukast til landbruk
• Overtaking av eigedom frå nær familie
• Når du som tek over eigedommen har odelsrett. Men då har eigedommen buplikt.

Som regel må du sende inn eit skjema om eigenfråsegn om konsesjonsfridom. Dette gjer du til kommunen.

Dersom eigedommen er ein landbrukseigedom og ikkje er friteken for konsesjon, må du søkje kommunen om konsesjon.

Utfyllt og signert eigenfråsegn eller konsesjonssøknad sendast til postmottak@tokke.kommune.no.

Dersom du ikkje har tenkt å bu på eigedommen, må du søkje om konsesjon utan buplikt.

Søkje om konsesjon

Dersom eigedommen er ein landbrukseigedom og ikkje er friteken for konsesjon, må du søkje kommunen om konsesjon.

Det er ein del kriterium for å få ein slik konsesjon, blant andre:

• at den avtalte prisen er innanfor ei samfunnsmessig forsvarleg prisutvikling
• omsynet til busetjinga i området
• at overtakinga tek vare på ei driftsmessig god løysing
• at den som tek over blir rekna som skikka til å drive eigedommen
• at overtakinga tek vare på omsynet til heilskapleg ressursforvaltning og kulturlandskapet

Du må betale eit gebyr for handsaminga av søknader om konsesjon.