Helsestasjon for ungdom (HFU)
Treng du nokon å snakke med?
Helsestasjon for ungdom (HFU) er eit gratis tilbod for deg mellom 13 og 23 år. Her kan du snakke med helsesjukepleiar om det du lurar på – stort eller smått. Dei som jobbar her har teieplikt, så du kan kjenne deg trygg på at det du fortel blir mellom dykk.
Du kan kome innom på drop-in, eller bestille time dersom du ynskjer det. Dersom du har behov for å snakke med jordmor eller lege, hjelper helsesjukepleiar deg med å setje opp time.
Dette kan du få hjelp med:
- Prevensjon, graviditet og seksuell helse
- Test og informasjon om seksuelt overførbare infeksjonar (SOI)
- Kropp, pubertet, seksualitet og identitet
- Kjærleik, forhold og seksuell orientering
- Tankar og kjensler, psykisk helse og trivsel
- Mobbing, stress, einsemd og utfordringar i kvardagen
- Mat, kosthald og spørsmål om kropp og helse
- Rus og andre bekymringar
- Seksuelle overgrep eller andre vonde opplevingar
- Råd og rettleiing på telefon
Det er heilt vanleg å ha spørsmål eller ting ein strevar med. På HFU møter du vaksne som lyttar, tek deg på alvor og ynskjer å hjelpe.
Nyttige nettsider:
På denne sida finn du óg lenker til viktige sider som:
- Ung.no
- Barneombudet
- Sex og samfunn
- Skeiv ungdom
- SMISO - Støtesenter mot incest og seksuelle overgrep
- Mental helse ungdom
- Amathea - veildning før, under og etter abort
- Ungdom og sorg
Sist oppdatert