Pårørandeskule
Pårørandeskule - hausten 2026
Foto: Colourbox
Kva er pårørandeskule?
Pårørandeskulen er eit kurstilbod til deg som har eit familiemedlem eller ein nær ven med demenssjukdom, og som bur i Vinje eller Tokke kommune. Personen med demens kan bu heime eller på institusjon. Gjennom faglege førelesingar, plenums- og gruppesamtaler får du kunnskap om demens og innsikt i kva følger sjukdommen kan ha for personen med demens, deg som pårørande og øvrige familie. Du treff andre pårørande i same situasjon og fagpersonar med kompetanse på området.
Praktiske opplysningar
Stad: Trevet (biblioteket i Åmot)
Påmelding: Innan 20.08.26
Kursavgift: Gratis
Tidspunkt for alle dei fire samlingane er kl 17-19.30. Det blir ei pause midtvegs med enkel servering.
Til foredraget 26/8 vil også tilsette i helsetenesta bli invitert.
For påmelding, kontakt:
Marianne Eriksen, demenskoordinator i Vinje kommune.
Tlf (dagtid): 90 91 44 69
E-post: Marianne.Eriksen@vinje.kommune.no
Program hausten 2026
Dato | Tema | Forelesar |
|---|---|---|
26.08. | Dei ulike demenssjukdomane, symptom, utredning, behandling Samtale/informasjon
| Ulrikke Sagen Vik, overlege Alderspsyk., avd. Skien Marianne Eriksen, demenskoordinator, Vinje kommune |
03.09. | Kommunikasjon og samhandling, endring i åtferd m.m. | Maja Aanderaa Evjen, spes.sjukepleiar og leiar av demensnettverket Telemark |
10.09. | Hjelpemiddel, velferdsteknologi og praktiske råd i kvardagen | Johanne Liebig-Larsen, ergoterapeut Asle Fjellestad, heimevaktmeister |
17.09. | Kommunale tenester "Den lange sorga", korleis ta vare på seg sjølv som pårørande Likeperson, erfaringar frå ein pårørande
Avslutning, evaluering og informasjon om samtalegrupper | Mona Haugen, leiar for koordinering og tildeling, Vinje kommune Eilev Erikstein, Prostidiakon Aud Lie Solheim, Nasjonalforeningen for folkehelsen |