Tokkebadet

Tokkebadet finn du i Tokke kulturhus, på Dalen.

Det er to basseng, eit på 12,5 meter med temperatur på 28 grader, og eit terapibad med 34 grader. I terapibadet er det babybasseng, sitteavdeling med bobler for avslapping, og kaldkulp.

Det er vanleg at symjehallane er stengt i samband med vedlikehaldsarbeid.

Tokkebadet har ikkje kortautomat. Betalingsmåte er Vipps (126594 Tokkebadet), eller kontant.

Sesong- og årskort kjøper du med Vipps hos badevakta. Vipps-kvitteringa er bevis på sesong- og årskort. Denne kvitteringa viser du til badevakta.Dersom du heller vil betale sesong- og årskort med visakort, må du gjere det i resepsjonen på Tokke kommunehus.

Sesongkort er gyldig enten haust (f.o.m opning av badet t.o.m 31. desember), eller vår (f.o.m 1. januar t.o.m stenging av badet).

Årskort fylgjer vanlegvis opningsperioden haust til vår, men kan også gjelde frå 1. januar til 31.12 dersom du heller ynskjer det.