Tokke kommune gjev tilskot til tiltak og investeringar i landbruket som medverkar til auka lønsemnd, aktivitet, rekruttering og busetjing.

Søknad

Før du søkjer, er det viktig å lese gjennom reglane og vilkåra for det kommunale tilskotet, sjå nedanfor. Som søkjar vil du bli beden om å akseptere desse vilkåra.

Landbruksføremål - Søknad om kommunalt tilskot

Vilkår for tilskot etter landbruksplan

• Tilskotsmottakar sitt føretak skal halde til i Tokke
• Tilskotet skal gå til eit jordbruksføretak som driv aktiv landbruksnæring og til eit tiltak med næringsmessig preg. Unnataket er dreneringstilskot der både eigar og leigar av jordbruksjord kan søkje.
• Søknadar skal vere skriftlege. Kommunen set krav til søknad og dokumentasjon, jf. eige søknadsskjema. Søknadar vert handsama fortløpande, og kan knytast opp mot evt. søknad til Innovasjon Norge.
• I medhald av delegasjonsreglementet gjev landbruk, miljø og teknisk utval, administrasjonen mynde til å gjere vedtak i kurante saker etter regelverket. Dette gjeld og for andre søknader med løyving under kr 10 000,-.
• Sakshandsamar skriv vedtak, fastsett arbeidsfrist og vilkår som gjeld for tilskotet.
• Kommunen kan krevje dokumentasjon av kostnader, og kan krevje synfaring ved sluttgodkjenning
• Det kan søkjast om utsett arbeidsfrist, men ikkje meir enn totalt fem år. Kommunen kan utan varsel trekke inn løyvingar som ikkje er nytta innan fastsett arbeidsfrist.
• Tilskot kan delutbetalast, men 25 % skal haldast att til prosjektet er ferdig og det føreligg eit sluttrekneskap.
• Dersom eit prosjekt utløyser tilskotssum over 100 000 skal søkjar sende skriftleg aksept for at tilskotsmottakar mottek tilskotet.
• Tilskotssum vert redusert tilsvarande dersom storleiken på prosjektet vert mindre enn rekna.
• Krav om drift i minst 5 år etter prosjektet er sluttført. Dersom drifta vert avslutta før må tilskotet tilbakebetalast tilsvarande attståande driftsår.

Føremål det kan gjevast tilskot til

Vedteke i kommunestyret 13.12.22