27.mai kom det nye råd frå Folkehelseinstituttet og Helsedirektoratet. Dei ber kommunane om å lette på besøksrestriksjonane ved sjukeheimar og omsorgsinstitusjonar, og samstundes ivareta personar som er særleg sårbare, andre pasientar/ bebuarar, pårørande og tilsette.
Pandemien er ikkje over og me må vere førebudde på at det kan kome nye smittebølger. Me som har ansvar for omsorgstenestene ber difor om:
- Alle besøk avtalast via telefon på førehand.
Skjerma avdeling: 35075588
Korttidsavdeling : 35075583
Langtidsavdeling: 35075583
Omsorgssenter: 35075524
- Besøkande må vere friske og ikkje ha symptom på luftvegsinfeksjon
- Besøkande må halde ein meter avstand både ved besøk ute og eventuelt inne.
- Alle besøkande må sprite seg når dei kjem, og ikkje ta på noko.
- I noverande situasjon kan besøk vera mogleg på bebuaren sitt eige rom, men besøk bør fortrinnsvis vere i uteareal.
- Ved besøk inne på bebuaren sitt rom skal det ikkje vere fleire enn 2 besøkande i gongen. Dette på grunn av retningslinjer om avstand.
- Ved besøk ute er det ingen grense på antall, men alle må fylgje generelle smittevernreglar.
- Besøkande skal ikkje vere i fellesareal inne på institusjon.
- Avlastningspasientar får ikkje ha besøk. Dette på grunn av at langtidsbebuarar blir prioritert då dei er meir isolerte i denne tida.
- Dersom besøkande har med seg noko til bebuar, må dette gjevast til ansatte slik at bebuar kan få dette seinare.
- Me fører besøksprotokoll i tilfelle det vert naudsynt med smittesporing i etterkant.
Velkomen!
Tokke helsesenter
Ragna Iren Grave, avdelingsleiar institusjon
Silje Andrea Kyrkjebø, avdelingsleiar heimetenesta
Lars Håvard Eriksen, smittevernlege